Jæja þá er páskahátíðin gengin í garð með öllu sínu áti Stóð í stað í síðustu vigtun, varð fyrir svolitlum vonbrigðum því mér fannst mér ganga nokkuð vel. Kannski verður þetta ekki svona fyrirhafnarlítið eins og ég var að vona
En ég sá samt líka hvað vatnið hefur mikið að segja, ég drakk ekki eins mikið vatn þessa viku, er nefnilega vön að vera með vatnsbrúsa og þamba úr honum en ég gleymdi honum á einum vinnustaðnum mínum og þá er bara öll mín vatnsdrykkja úr sögunni Það virðist nefnilega vera of mikið að fara alla leið að vaskinum og fá sér vatn! Eins ef ég er með vatn í hálfs líters flösku þá þarf ég að SKRÚFA tappann af!! Það er mér bara ofviða
Hehe segi nú bara svona en þetta er samt staðreynd að ég drekk minna vatn ef ég er ekki með brúsa, hef samt verið meðvitaðari en áður að fá mér vatsglas við hvert tækifæri í vinnunni en mér finnst best að hafa bara brúsann á ræstivagninum En nóg um vatnið,nú eru komnir páskar og ég ætlaði ekki að láta það hafa áhrif heldur hafa bara nammidaginn á sunnudaginn í staðinn, en sú varð ekki raunin Er búin að narta í nammi og snakk alla dagana, takið samt eftir narta ekki hakka í mig Ætla líka að sötra smá bjór í kvöld þannig að ég á ekkert von á því að vigtin verði neitt góð við mig næst. En það er bara að sjá til og vona, verð fegin ef ég stend bara í stað.
Þangað til þá , bless bless og gleðilega páska

Jæja, gat ekki bloggað á miðvikudag sökum netleysis en það er allt komið í lag. Þið hafið örugglega hugsað með ykkur jæja enn önnur bloggfærslan full af yfirlýsingum og svo gerist ekkert meir
En það var ekki raunin í þetta sinn, ég er enn reyklaus og 1,4 kg kvöddu þessa viku Er ótrúlega ánægð með mig þessa dagana. En aftur á móti er svo hættulegt fyrir mig þegar ég léttist svona fyrirhafnalítið að ég fari að hugsa: Iss þetta súkkulaðistykki hafði ekkert að segja á vigtinni síðustu viku þannig að 2 hljóta að vera í lagi núna Svo vindur þetta uppá sig smá saman þar til að ég er komin aftur í sömu spor, verð bara að vera dugleg að muna hvernig þetta hefur endað hingað til og ef ég man það ekki þá verðið þið að minna mig á það
Ætla samt að hafa nammidag á morgun, fer út að borða með Svavari og krökkunum annað kvöld og svo er aldrei að vita nema maður fái sér eitthvað smá óhollustu yfir imbanum
En allavega ætla ég að segja þetta gott í bili, þangað til næst bæ bæ

Það er greinilegt að ég er í nautsmerkinu, þrjóskan
En nú er ég hætt að reykja, komnar 2 vikur, og er öll að færast yfir á hollari nótur Hef samt bætt á mig 2kg á þeim tíma en það var áður en ég tók í taumana, var aðeins byrjuð að missa mig í átinu
Ætla ekki að setja mig undir mikla pressu eins og ég hef gert hingað til. Ég hef varla snert við nammi síðustu daga og passa hvað ég er að setja ofaní mig. Ef ég hef val um eitthvað tvennt eða fleira þá vel ég hollasta kostinn. Ég ætla ekki að fara í strangara aðhald í bili, ætla ekki á danska sem stendur því mér finnst það of mikil pressa en svo með tímanum verð ég strangari á þessu. Ætla bara ekki að vera með of miklar yfirlýsingar og væntingar því þá verð ég bara svekktari ef illa gengur. Í sambandi við hreyfingu þá ætla ég að byrja á því að fara út að labba þegar ég get og hjóla kannski þegar snjóa leysir og svo kannski þegar ég er tilbúin þá fer ég í ræktina.
Svo koma viktunartölur á miðvikudögum og síðasta miðvikudag sýndi hún 84,8 og vonast ég til að vera allavega komin undir 84 í næstu viktun

Jæja vigtin var ekki eins vond og ég hélt, 82,7 sýndi hún, átti satt að segja von á hærri tölu þannig að þetta var "ánægjulegt" er að sjáfsögðu ekki sátt við að vera örðinsvona þung.

Fór og verslaði grænmeti og svona í dag og ætla að byrja rólega yfir helgina og svo fara alveg af stað á mánudag. Ætlaði að skrifa einhvern helling hérna en ég hef greinilega týnt því öllu

Jæja ég skrifa þá bara seinna ef andinn kemur yfir mig  

Jæja nýtt ár gengið í garð og ég að ná mínu hámarki í þyngd Ég ætla að taka nýja árið með trompi, hætta að reykja og taka mataræðið í gegn!

Já sama gamla tuggan alltaf hjá mér en ég gefst ekki upp er ekki alltaf sagt að nautið sé svo þrjóskt?   En ef þetta tekst ekki í þetta skipti þá loka ég þessu bloggi fyrir fullt og allt

Ég ætla að vigta mig í fyrramálið *svitn* og skrá það inn á morgun, ég ætla að reyna þann danska aftur því hann er það eina sem hefur virkað fyrir mig Ég vona að fólk sé ekki alveg búið að gefa upp trúnna á mér

Blogga meira á morgun  

Jæja komiði sæl! Hér er ekkert gott að frétta svosem Ég bara þyngist og þyngist, komin uppí rúmlega 80 kg Dansaði lengi í 79 komma eitthvað en sló svo í 80 núna, ég er aðeins farin að taka mig á, borða nánast ekkert nammi og er farin að minnka við mig átið Svo er auðvitað eurovision framundan og djamm á NASA á laugardag En eftir það þá ætla ég að taka mig rækilega í gegn!! Ég veit, ég veit ég hef OFT sagt þetta áður en það þýðir ekki að gefast upp, bara reyna aftur Og auðvitað passa ég mig fram að þeim tíma líka

Hann pabbi minn kom svo færandi hendi hér í vikunni með þetta fína hjól að lána mér Nú fer mín sko út að hjóla, búin að fara einu sinni en það var með 4ra ára dóttur minni þannig að ég þurfti að láta mitt hjól renna mest allan tímann því hún hjólar svo hægt þannig að það var nú ekki mikil æfing úr því En það var samt náttúrulega bara gaman

Jæja ég segi þetta gott í bili, verður sjálfsagt ekki mikið um blogg fyrr en eftir helgina

Verður maður ekki að fara að krota eitthvað hérna inn? Það gengur svona upp og ofan hjá mér núna, páskarnir teknir með trompi En síðustu 2 dagar hafa bara verið nokkuð góðir, ég hef allavega borðað hollan morgunmat 2 morgna í röð og hef ekki innbirgt nein sætindi í dag! Sem er reyndar afrek útaf fyrir sig því nóg er til af sætindunum hér en ég hef látið það eiga sig án þess að hafa ákveðið það eitthvað sérstaklega   Hef verið mjög dugleg í vatninu og ávöxtunum í dag og stefni að því að halda þessu áfram

Svo er ég farin að huga að hreyfingu og mig langar svo í hjól, mínu var stolið í fyrravetur og nú er ég alveg friðlaus mig langar svo í  Ef einhver á hjól sem hann þarf að losna við þá skal ég alveg þiggja það 

Vigtin sýnir 77,5 þessa dagana sem þýðir að ég þarf að byrja nánast uppá nýtt   En ég get bara sjálfri mér um kennt að vera alltaf að falla svona

Ég vona að ég skrifi gleðifréttir hér næst, stefni allavega að því  

Það er búið að reka svolítið á eftir mér að skrifa hér inn en satt að segja hefur mig ekkert langað til þess Mér er greinilega ekki ætlað að takast þetta!! Mér gengur alltaf vel í smá stund og svo er það bara búið, varð peningalaus um daginn og gat því ekkert keypt grænmeti eða neitt varð að notast við það sem til var í frysti og pakkamat og svona. Fékk eitthvað frítt að borða í vinnunni (yfirleitt ekkert mjög hollt) og svo voru 2 dagar sem stelpur sem ég vinn með buðu mér að borða í hádeginu (subway og serrano), að sjálfsögðu þiggur maður það þegar maður á ekki neitt.

En þetta var nóg til að ég færi útaf sporinu Þegar ég fer útaf sporinu þá tekur mig alltaf rosalega langan tíma að komast á það aftur, þegar ég fékk svo loksins smá pening þá var bara beint í sukkeríið Það þarf ekki mikið til að líkaminn fari að finna fyrir þessu, ég er strax farin að fitna aftur (eða safna bjúg) og var að koma frá lækni í dag og kvillarnir eru vel læknanlegir með betra mataræði Ég er ein af þeim sem er gjörn á að fá sveppasýkingu og hún blossar upp um leið og ég borða svona mikinn sykur og svo eru "bakdyrnar" allar í messi líka vegna þess hvað ég ofbýð ristlinum Svo til að toppa það allt þá er mígrenið farið að láta á sér kræla aftur! Þannig að þetta er gott dæmi um mótmæli líkamans á svona rusli

En já ég verð að fara að gera eitthvað í mínum málum er búin að ákveða að byrja aftur á morgun, við skulum bara vona að það gangi

Jæja vigtin var bara góð við mig í dag, 1,2 kg farin Átti nú ekki von á því og þá er bara að halda áfram á sömu braut Sykurþörfin er enn að fara með mig, ég er alveg að farast!! Skil þetta ekki ég hugsa ekki um annað þó ég reyni að gera það ekki Hef samt ekki látið undan hingað til en ef þetta heldur svona áfram þá veit ég ekki hvað gerist Það ætti að vera til meðferðarstofnun fyrir sykurfíkla, ég væri allavega komin þangað inn

Annars er ég að spá í að verðlauna mig eitthvað um helgina, ekki með nammi þó, bara fá mér einhvern góðan mat og eitthvað soleiðis kannski kex og osta en engan sykur

2 dagar án sykurs!! Ég hélt að ég gæti þetta ekki Hef verið í 100% DDV í gær og í dag og er svona að ná mér á strik. Ég bara á svo erfitt með sykurinn! Þetta er miklu miklu erfiðara en að hætta að reykja, sykurinn er gjörsamlega mín fíkn Ég er alveg að fríka út af sykurleysi en ég skal hafa þetta af því þetta hlýtur að líða hjá Ætlaði einmitt að láta eftir mér eina kexköku í dag og var nærri því búin að því en þá hugsaði ég með mér, Díana heldurðu virkilega að þetta vrði bara ein kexkaka?? Ég þekki sjálfa mig það vel að ef ég hefði látið þetta eftir mér þá hefði ég fengið mér fleiri og fleiri og sjálfsagt komið við í sjoppu á leiðinni heim úr vinnunni 

Á ekki vona á því að vigtin verði neitt sérstaklega góð við mig á morgun, bæði vegna þess hvað það hefur verið erfitt að komast í gang og svo fékk ég mér í glas á laugardagskvöldið   Vigtaði mig í gær (vildi bara sjá hvort áfengið hefði haft einhverjar afleiðingar) og viti menn tæp 2 kg í + En svo vigtaði ég mig áðan og það virðist allt vera á niðurleið, vil samt taka það fram að ég er ekki svona heltekin af vigtinni svona dagsdaglega langaði bara að fylgjast með gang mála eftir helgina

En jæja vigtun á morgun og það verður fróðlegt að sjá hvað hún segir, bless í bili  

Fór í vigtun í gær og það eru farin 1,7 kg Var svolítið hissa miðað við hvað mér gekk illa að halda mig við prógrammið en ég held að mikið af þessu hafi verið bjúgur Er búin að drekka vatn eins og vitleysingur og geri ekki annað en að sitja á klósettinu

En allavega nenni ekki að skrifa meira núna vildi bara koma þessum góðu fréttum áleiðis  

Ég er en á lífi þrátt fyrir að ég hafi nú ekki bloggað neitt   Ég er bara búin að vera gjörsamlega dauð síðustu viku, höfuðverkur,ógleði, stundum svimi og mikill bjúgur  Læknar hafa ekki fundið neitt að mér en ég talaði við hjúkrunarkonu um helgina og henni fannst líklegt að ég væri að ganga í gegnum svona rosaleg fráhvörf af sígarettunum og svo þegar ég sagði henni frá lifnaðarháttum mínum síðustu vikur þá var hún ekki hissa að ég væri svona  Hugsið ykkur hvað maður getur gert líkamanum! Ég var komin í það að borða stundum heilan lakkríspoka (stóran) á einu kvöldi og oftar en einu sinni yfir vikuna  Þannig að hjúkkan hélt að líkaminn væri bara að losa við allt þetta ógeð  Allavega líður mér mikið betur núna 

Byrjaði á danska síðasta miðvikudag eða réttara sagt skráði mig í hann og hefur ekki gengið alltof vel   En ég hef verið að reyna og það kemur dagur og dagur sem ég dett út úr þessu stundum borða ég eina ddv máltíð yfir daginn en þetta kemur

Eins og þið sjáið þá fékk ég loksins þennan borða til að virka og ákvað að breyta lúkkinu aðeins í leiðinni   Segjum þetta gott í bili fer í vigtun á morgun eða fimmtudaginn læt vita hvað kemur út úr því

Jæja það kom að því, ég vaknaði í morgun með algjört ógeð á sjálfri mér Vaknaði í sykurþynnku dauðans og með svo mikinn bjúg að ég sá varla úr augum, augun voru svo sokkin. Þurfti að draga inn andann til að hneppa að mér buxunum sem vanalega eru mjög passlegar á mig Á einni viku hafa bæst á mig 3 kg sem ég held að sú að mestu leiti bjúgur því ég hef lifað á lakkrís alla vikuna ásamt öðru sukkfóðri Nú þarf ég að sparka duglega í rassinn á mér ef ég ætla einhvern tíma að komast í kjörþyngd Svo þurfti ég endilega að klaufast til að togna í baki og hef þar af leiðandi ekkert getað notað rope yoga græjuna mína

Ég veit að þetta eru ekki mörg kg sem ég þarf að missa en ég þarf samt að missa þau og það tekur á sálarlífið þegar illa gengur alveg eins og hjá þeim sem þurfa að missa mikið. Ég er búin að ákveða það að ég ætla að byrja á danska á miðvikudaginn því það er það eina sem hefur virkað hjá mér hingað til.

Ég er hætt að reykja og er búin að vera reyklaus í 2 vikur og gengur það bara mjög vel Finn varla fyrir þessu og langar yfirleitt ekkert í sígó

Ég spyr svo í 3ja skiptið, getur einhver sagt mér af hverju helv... borðinn kemur ekki upp hjá mér! Ég held að ég segi þetta gott í bili, ég er of fkn pirruð til að skrifa meira

Jæja þá er helgin bráðum að lokum komin og á morgun á að taka á því Ég ætla að klára sígarettupakkann sem ég á núna og þá er ég hætt  

Ég ætla að byrja á því að hætta í namminu og fara að borða eins og manneskja því stundum borða ég ekkert fyrr en í kvöldmatnum Ekki sniðugt! Ætla að fara að koma reglu á matartímana og auðvitað að velja eitthvað í hollari kantinum og vera búin að ákveða fyrirfram hvað verður í matinn. Svo var ég að fá gefins rope yoga dóterí þannig að þar fauk afsökunin fyrir að komast/nenna ekki í ræktina 

Getu einhver hjálpað mér með þennan blessaða borða!! Hann kemur bara ekki sama hvað ég geri  

Jájá ég veit að það er kominn fimmtudagur   Þetta er nú ekki að byrja alltof vel

Ég held að ég hafi ekki undirbúið mig nógu vel fyrir þetta og nú dugar ekkert annað en skipulag! Ég var búin að ákveða að hætta að reykja og svo þegar dagurinn rann upp þá fattaði ég að ég hafði ekkert undirbúið mig fyrir það. Fylltist þessum svaka kvíða og keypti mér sígó

En nú er ég aðeins búin að pæla í þessu og ætla að láta á það reyna, ætla að ákveða hvað ég ætla að gera ef löngunin kemur og þess háttar En með mataræðið þá gengur það svona lala ekkert alltof vel en hef haldið mig frá namminu það sem af er degi og ætla að halda því áfram

Vigtaði mig í dag og er 74,1 sem kom mjög á óvart því ég hélt að ég væri rétt yfir 75 kílóunum og jafnvel meira eftir sukkhelgina frægu   En einhverra hluta vegna þá kemur borðinn minn ekki inn (þessi sem á að vera efst á síðunni) ég er búin að gera margar tilraunir en ekkert gerist